Sumar­ferðir Eddubræðra og fjölskyldna 2022

24. maí – þriðju­dagur kl. 19.00. Úlfarsfell

Að venju og samkvæmt hefðinni er fyrsta göngu­ferðin á Úlfarsfell í Mosfellsbæ.
Gengin verður þægileg leið á topp þessa 296 metra háa fells. Göngu­ferðin tekur um 1,5 – 2 klukku­stundir.  Gönguskór og fatnaður sem hæfir veðri.  Hentar fyrir alla hrausta til að bæta göngu­formið – bæði börn og fullorðnir.  Mæting er á neðra bílastæðinu við veginn; okkar hefðbundna mætingastað nærri nýju íbúða­blokkunum.

Bræður sem komast ekki í fjall­göngu, eru sérstaklega boðnir velkomnir, því að í þessa ferð mæta varkárir bræður á jeppa­bílum sem bjóða sæti upp á staðinn, þar sem boðið verður upp á hressingu.  Þeir sem hafa áhuga á hafi fyrst samband við br. Sigmar Gíslason s. 820-1853.
Skipulag ferðar­innar hefur br. Haraldur Sigurðsson formaður bræðra­nefndar, s. 892-7946.

18. júní – laugar­dagur kl. 10.00 – Óvissuferð Eddubræðra og systra.

Brottför með rútu frá Reglu­heim­ilinu kl. 10.00.  Engin þörf á útilegu- eða stórhríð­ar­búningi, bara skjólgóð föt.  Heimkoma 18 -19 sama dag.  Áætlað verð á mann er kr. 8000.  Hádeg­is­verður með lystauka innifalinn.  Vanir menn sjá um veitingar.

Þann 8. júní kl. 12:00 verður opnað fyrir skráningu á heima­svæði Reglunnar frimur.is. Munið að sætaframboð er takmarkað og þessar ferðir fyllast fljótt.
Skipulag ferðar hefur br. Björn Matth­íasson, s. 847-5682.

12-14. ágúst – föstu­dagur til sunnudags – Edduúti­legan 2022

Útileguferð Eddubræðra og fjölskyldna er að öllum líkindum að Laugalandi í Holtum.

Nánari lýsing/breyting kemur síðar í tölvu­pósti / Facebookhóp Eddubræðra.
Umsjón­ar­maður er br. Gunnar Örn Hjart­arson, s. 897-4585.

23. ágúst – þriðju­dagur kl 17.30 – Lækjar­botnar; gönguferð fjölskyld­unnar

Áætlaður tími í ferðina er frá 17.30 til 19.30

Leiðin að Lækjar­botnum er um veg að sumar­húsa­byggð við „Tröllabörn“.

„Sumar­húsa­byggð“ stendur á skilti við Suður­lands­veginn; þegar ekið er frá Reykjavík er beygt af Suður­landsvegi til hægri – skömmu áður en komið er að Lögbergs­brekkunni. Hittumst 17:30 og dokum við „Tröllabörn“ sem er friðlýst náttúru vætti við Suður­landsveg. Eftir smástopp þar verður haldið að skáta­skálanum í Lækjar­botnum. Gert er ráð fyrir stuttri gönguferð þaðan undir leiðsögn. Á svæðinu eru fjölmargir sumar­bú­staðir og búið að rækta skóg umhverfis þá. Skógrækt­ar­félag Kópavogs hefur ræktað skóg á svæðinu frá 1991 og þar er sérstakur reitur sem Rotary-menn hafa ræktað.

Selfjall sem er í S-A frá Lækjar­botnum er einnig skógrækt­ar­svæði Skógrækt­ar­félags Kópavogs. Við skáta­skálann er góð grill­að­staða og gerum við ráð fyrir að bjóða á upp grillaðar pylsur og vatn eða gos eftir göngu­ferðina. Hentar líka fyrir þá sem komast ekki í göngu­ferðir.
Skipulag ferðar hefur br. Bragi Michaelsson, s. 898-2766.

Gleðilegt sumar.
Bræðra­nefnd Eddu

Eldra efni

Innskráning

Hver er mín R.kt.?