St.Jóh.rannsókna­stúkan Snorri var stofnuð árið 2010 og er stofndagur stúkunnar 9. Apríl 2010.  Fyrsti Stólmeistari stúkunnar var br. Haukur Björnsson.

Verkefni St.Jóh.rannsókna­stúk­unnar Snorra er að gangast fyrir rannsóknum, skrifum, fyrir­lestrum og umræðum um fræði, sögu, starfsemi og markmið Frímúr­ar­a­regl­unnar á Íslandi og málefni þessu tengd.  Meðal annars skal rannsókna­stúkan miðla upplýs­ingum um erlendar rannsóknir í frímúr­ara­fræðum.  Rannsókna­stúkunni er heimilt að efna til samstarfs við aðrar frímúr­ara­stúkur til að nálgast markmið sín.

Stúkan stendur fyrir þrem rannsókna­fundum árlega þar sem flutt eru rannsókna­erindi um hina konunglegu íþrótt.  Á fundum stúkunnar eru síðan flutt rýni á erindið og almennar umræður og fyrir­spurnir leyfðar.  Stúkan hefur á fyrstu starfsárum sínum m.a. lagt áherslu á sögu Reglunnar og helstu forvíg­is­manna hennar.  Stúkan á samstarf við systur­stúkur sínar á norður­löndum en sameig­inlega er gefin út árbókin Acta Masonica Scandi­navia þar sem birt er úrval þeirra erinda sem flutt eru í þeim stúkum.