Í febrúar 2014 bauð SMR Valur Valsson, Má Svein­björnssyni að leiða stofnun nýrrar Andrés­ar­stúku og verða fyrsti stólmeistari hennar.  Megin­til­gang­urinn með stofnun stúkunnar var að dreifa álaginu á fleiri stúkur og létta þannig álaginu af stúkunum sem fyrir voru.  Stúkuna skyldi stofna með bræðrum úr St. Jóh.stúkunum í kringum Reykjavík; Hamri, Akri, Sindra, Röðli, Nirði og Hlé, eftir að hún hefði verið fullgilt í nóvember 2014, og ákveðið var að stúkan skyldi starfa á fimmtu­dögum.  Undir­bún­ingur hófst í seinni­hluta febrúar 2014 og var að mörgu að huga, eins og ætíð þegar ný stúka er stofnuð.  Strax var haft samband við stólmeistara St. Jóh.stúknanna sex til að fá tilnefn­ingar um embætt­ismenn stúkunnar, þar á meðal aðalemb­ætt­ismenn, sem yrðu stofn­endur.  Gekk það nokkuð vel og var stofn­enda­hóp­urinn fullskipaður vorið 2014.

Eftir vanga­veltur og samræður við ýmsa bræður var nafnið, umdæmið og kjörorðið ákveðið:

„St. Andr. st. Huginn“ – „OR.: Suð- vesturland“ – „Leitum“

Nafnið er sótt í hlutverk Hugins og Munins, hrafna Óðins.  OR.: er starfs­svæði áðurnefndra St. Jóh. stúkna. og kjörorðið er eðlilegt framhald nafnsins.  Hvort tveggja vísar til starfsins á St. Andr. stigunum

Stofndagur var ákveðinn 31. janúar 2015, og svaramenn stúkunnar voru skipaðir Jóhannes Harrý Einarsson X°, br. m. HMR. og Björn Ó. Björg­vinsson, X°, Stm. St. Andr. st. Helga­fells.

Embætt­ismenn urðu á endanum 42, en markmiðið var að hafa 46 embætt­ismenn til að manna öll embætti þreföld.

Stofn­endur stúkunnar voru þeir :
Már Svein­björnsson,
Karl Hólm Gunnlaugsson,
Guðlaugur Sæmundsson,
Sævar Örn Arason,
Grétar Björn Sigurðsson,
Þorsteinn Ómar Gunnarsson,
Gísli Rúnar Gíslason,
Brynjar Svansson,
Þórður Þorsteinsson,
Þórður Oddsson,
Ari Guðmundsson,
Einar Gunnarsson
Ársæll Guðmundsson.

Auk þeirra voru 92 stofn­fé­lagar, þannig að samtals 105 bræður stofnuðu St. Andr. st. Hugin.

Hönnun skjald­ar­merkis stúkunnar tók smá tíma og varð á endanum einfalt og táknrænt fyrir þetta reglustig.  Aðalhönnuður var Guðlaugur Sigurðsson og naut hann aðstoðar, verðandi Stm stúkunnar og Skd.R.   Skd.R. sá um að láta steypa skildi stúkunnar og málaði síðan skjald­ar­merkið á þá.

Söngstjóri stúkunnar Einar Gunnarsson samdi stúkulag fyrir stúkuna, en br. Jónas Þórir bjó það til flutnings og frumflutti við stofnun stúkunnar. Einnig samdi Einar sönglag við ljóð Karls Kristensen

Visku og þroska vér leitum hvern dag
Vísar oss lýsandi ljós, Hugins lag
Bræður leitum
Bræður byggjum
Bræður reisum
Musteri meist­arans byggja oss ber
Musteri lýsandi ljóss erum vér
Treystum á keðjuna, tak hönd í hönd
Tengja og knýta oss fast bræðrabönd
Vísar oss lýsandi ljós, Hugins lag.

Br. Einar Gunnarsson.

Hugins ljóð (sönglag)

Oft er villu­gjarnt á myrkum vegi,
Varúðar og gætni ætíð þörf.
„En lyftum huga er lýsa fer af degi,
látum dygðir varða okkar störf“

Hugins bræður höndlum ljósið skæra,
Höfuðsmiður styðji okkar leit.
„Þroska og visku þá mun okkur færa,
Því er ljúft að halda gefin heit“

Höfundur ljóðsins er: Br. Karl Kristensen.