Erindreki / HL ritar þann 12. janúar 2021

Kæru bræður.

Fyrst vil ég óska ykkur gleðilegs árs og friðar, en einnig þakka ykkur fyrir mjög ánægjuleg samskipti og góð á nýliðnu ári. Ári sem mun án efa verða ofarlega í okkar minni um langt skeið en sem við vonum að komi ekki aftur með þeim afleið­ingum sem það hafði á samfélag okkar og starfið í R.

Tilefnið að þessu sinni er fyrst og fremst að fara yfir stöðu Reglu­starfsins með tilliti til breytinga sem nú hafa verið gerðar á sóttvörnum í samfélagi okkar og taka gildi frá og með 13. janúar 2021 og gilda til 17. febrúar n.k. Breyt­ing­arnar hafa allnokkur áhrif á starf okkar, þó þær varði fyrst og fremst heimila fjölgun á samkomum úr 10 einstak­lingum í 20. Aðrar breyt­ingar sem taka gildi hafa í raun ekki áhrif á okkar starf.

Viðbragð­streymi R. undir stjórn SMR hefur fundað um stöðuna og komist að eftir­farandi niður­stöðu, sem gildir fyrir tímabilið 13. janúar til 17. febrúar 2021:

1. Ekkert formlegt siðbundið fundar­starf er mögulegt við gildandi sóttvarn­a­reglur.
2. Heimilað verður að boða til funda embætt­is­manna, nefnda og annarra bræðrahópa í einstökum stúku­húsum, gegn ófrávíkj­anlegu skilyrði um að virtar verði í hvívetna allar sóttvarnir sem stjórnvöld krefjast, s.s. 2ja metra reglan, notkun á andlits­grímum, sótthreinsi­vökvi til reiðu o.s.frv.
   • Jafnframt er heimilað að opna bókasöfn stúku­húsanna, ef talið er unnt að uppfylla allar kröfur um sóttvarnir og að bókasafns­verðir séu reiðu­búnir að sinna starfi sínu við núgildandi aðstæður.
3. Viðbragð­steymum einstakra stúkuhúsa er falið að halda utan um framan­greint starf til að tryggja að öllum sóttvörnum sé unnt að framfylgja og að það verði gert. Fullt samráð við viðkomandi Stmm. er mikilvægt.
4. Tilkynna skal bræðrum með tölvu­póstum eða tilkynn­ingum á heimasíðu R. um opnun­artíma bókasafnanna. Einnig ber einstökum viðbragð­steymum að tilkynna stjórn­stofu um allar ákvarðanir sem teknar eru í þessu sambandi.
5. Mjög mikilvægt er að ALLTAF sé haldin nákvæm skráning á þeim bræðrum sem koma í stúku­húsin og einnig þeirra sem koma saman hverju sinni. Nafna­listi skal sendur viðkomandi viðbragð­steymi strax að lokinni samver­stund eða fundi. Þetta eru ekki tilmæli, þetta er skilyrði vegna kröfu um rekjan­leika. Ef viðbragð­steymi fær ekki sendar skrán­ingar skal tilkynna það til stjórn­stofu.
6. Ef breytinga er þörf vegna tilmæla yfirvalda verða þær kynntar hér á heimasíðu R. þegar og ef þær verða.

Frekari upplýs­ingar veitir stjórn­stofa

Fyrir hönd Viðbragð­steymis R.
Eiríkur Finnur Greipsson
Erindreki R.