ISH ritar þann 12. nóvember 2021

Heilbrigð­is­ráðu­neytið hefur gefið út nýja reglugerð um sóttvarnir vegna COVID-19, sem tekur gildi á miðnætti í nótt, 13. nóvember 2021.

Þessi nýja reglugerð gerir það að verkum að fundir í stúkum (og aðrar samkomur) innan Frímúr­ar­a­regl­unnar á Íslandi, mega ekki fara yfir 50 þátttak­endur. Undanþága frá þessu er þó heimil gegn því að ALLIR þátttak­endur á fundi/viðburði framvísi neikvæðri niður­stöðu úr hraðprófi (antigen), sem má ekki vera eldra en 48 stunda. Athugið að sjálfspróf eru ekki tekin gild.

SMR og Viðbragð­steymi R. leggja áherslu á að hvergi verði slakað á kröfum um sóttvarnir og að farið verði að reglum þessum í einu og öllu. Stjórn­endur stúkna þurfa því að krefja bræður um forskráningu á fundi, þar sem fjölda­tak­mörkun er miðuð við 50. Ef heimila á fleiri þátttak­endur þá þarf að forskrá og í fundarboði þarf að koma skýrt fram að bræður verði krafðir um hraðpróf við komu á fund.

Það er því í ákvörð­un­ar­valdi hvers og eins Stj.M, Stm. eða Stj.br. hvort hann boðar til fundar/viðburðar og ef ákvörðunin er að boða hann þá verði hámarks­fjöldi miðaður við 50, eða ef heimila á að farið verði yfir þann þátttak­enda­fjölda, að þá verði krafist neikvæðrar niður­stöðu úr hraðprófi við komu á fund, próf má ekki vera eldra en 48 stunda.

Að lokum hvetur viðbragð­steymið alla bræður að huga vel að eigin forvörnum, sýna aðgát í hvívetna og taka ekki óþarfa áhættu né að taka ákvarðanir nema að vel íhuguðu máli. Fyrir­spurnum og ábend­ingum skal vísa til Stjórn­stofu.

Viðbragð­steymi R.