Glitnis-samvera með systrum

Systrafagnaður Glitnis

Föstu­daginn föstu­daginn 18. mars síðast­liðin buðu Glitn­is­bræður systrunum til fagnaðar í Reglu­heim­ilinu í Reykjavík. Hátt í 130 bræður og systur mættu þar til að eiga góða og skemmtilega stund saman. 

Í matsalnum biðu uppádúkuð og ríkulega blóma­skreytt hringborð sem siðameistarar stúkunnar höfðu komið fyrir fyrr um daginn á afar smekk­legan hátt. Eftir að fólk hafði heilsast og átt stutt spjall á marmaranum, þá fóru systur og bræður að koma sér fyrir í sætum sínum á undir ljúfum tónum úr flyglinum sem br. Kári Allansson söngstjóri Mímis handlék af sinni alkunnu snilld. 

Fljótlega þá töfraði matreiðslu­maður hússins br. Reynir Magnússon fram hvern réttin af öðrum á hlaðboðið, en þar mátti meðal annars finna pipar­kryddað nautaprime, dijon kalkúna­bringu, ásamt með öllu meðlæti. Í eftirrétt var svo Hindberjaís með volgri súkkulað­isósu, rjóma og ávöxtum.

Undir borðhaldi og fram eftir kvöldi hljómuðu svo fagrir tónar sem söngstjórar og söngbræður Glitnis fluttu viðstöddum ásamt br. Ívari Helgasyni Rúnar­bróður sem sá um einsöng, undirleik annaðist br. Kári Allansson söngstjóri Mímis.  Br. Pálmi Gunnlaugur Hjaltason, Glitn­is­bróðir og trúbador, greip svo gítarinn og spilaði og söng fyrir viðstadda og flutti meðal annars systrunum frumsamið lag og ljóð eftir sjálfan sig. 

Enginn fór svangur heim og var það mál viðstaddra, að kvöldið hefi verið mjög vel heppnað og sérstakleg hafi verið ánægilegt fyrir hópinn að hittast eftir mjög langt hlé. 

Eldra efni

Innskráning

Hver er mín R.kt.?