Frímúr­ar­a­reglan á Íslandi 100 ára

Tímamótana minnst með ýmsum hætti

Á þessu starfsári minnast Frímúr­ara­bræður á Íslandi þess að liðin eru hundrað ár frá því að Jóhann­es­ar­stúkan Edda var vígð og reglulegt stúku­starf hófst hér á landi en það var 6. janúar 1919.

Þessara tímamóta er minnst með ýmsum hætti innan Reglunnar og eru þessir atburðir helstir:

Hinn 13. nóvember sl. var haldinn svonefndur danskur fundur í Eddu þar sem fundar­setning og fundarslit voru á dönsku en siðabækur þær sem hingað bárust 1918 voru notaðar á fundinum.

Á Reglu­hátíð 12. janúar 2019 verður meginstef hátíð­ar­innar „Hundrað ára frímúr­arastarf á Íslandi.“

Hinn 9. mars 2019 verður hátíð­ar­stúka sett í St.Jóh.st. Eddu og 100 ára afmælis stúkunnar minnst.

Hinn 7. apríl verður hátíð­ar­samkoma Reglunnar í Eldborg­arsal Hörpu sem ætluð er bræðrum og systrum. Þar verður 100 ára reglu­starfs minnst í tali og tónum.

Í stúku­húsum utan Reykja­víkur mun verða opið fyrir gesti og starf frímúrara kynnt en dagskrá einstakra stúkna verður birt síðar.

Loks verður opið hús í Reglu­heim­ilinu á menning­arnótt 2019.

Að lokum skal þess getið að tvær bækur verða gefnar út. Leitandinn, bók um Ludvig Emil Kaaber sem br. Jón Sigurðsson hefur skrifað og Undir Stjörnu­himni, veglegt safn greina um sögu Reglunnar og margvís­legar hliðar frímúr­ara­starfs. Síðar­nefndu bókinni verður dreift til allra Reglu­bræðra og þeim þannig gefinn kostur á að kaupa hana.

Atburðum þessum verða gerð nákvæmari skil hér á forsíðu vefs Reglunnar. Smellið á hnappinn 100 ára afmæli frímúr­ara­starfs  í vinstra dálki til að opna afmæl­issíðu eða smellið hér

Bræður eru hvattir til að fylgjast vel með tilkynn­ingum og fréttum af þessu merkilega tilefni.

Aðrar fréttir

Innskráning

Hver er mín R.kt.?