Fræðaráð / HL ritar þann 13. febrúar 2022

Laugar­daginn 19. mars 2022 verður haldinn tímamóta­við­burður, Akureyr­ar­dagur, veglegur fræða­þings­dagur, í samstarfi Fræðslu­nefndar Reglunnar við allar stúkurnar á Akureyri – Stúart­stúkan, St.Andr. Huld, St.Jóh. Rún – og St.Jóh. Snorra.

Hér verður sannkölluð fræða­veisla í boði, fjögur fræðaþing yfir daginn og fræða­fundur í St.Jóh. Snorra um kvöldið. Allir viðburðir Akureyr­ar­dagsins fara fram í Frímúr­ara­húsinu á Akureyri.  SMR mun setja þingið og margir embætt­ismenn víða að taka þátt í dagskránni. Nánari kynning og forskráning stendur yfir á heimasíðu Reglunnar til 21. febrúar nk.

Hér er einstakt tækifæri til að sækja sér aukinn fróðleik, dýpka skilning sinn á fræðum Reglunnar, hitta aðra bræður frá ýmsum lands­hlutum og blása á ný til sóknar í frímúr­ara­starfinu. Já einmitt á Akureyri, stutt að fara í helgarferð þangað til fundar við aðra bræður og njóta dagsins  – ef til vill nýta tækifærið og lengja í ferðinni, fara á skíði, taka maka eða fjölskylduna með, o.s.frv.

Kíktu á nánari upplýs­ingar um dagskránna hér á vefnum. Skráðu þig sem fyrst. Það er einnig þjóðráð að panta gistingu í tæka tíð. Ef þú ferðast einn er spurning hvort þú getir boðið einhverjum far með þér – eða athuga hvort þú getur fengið far með öðrum. Við munum mögulega kanna leiðir til að miðla fari milli bræðra. En fyrst er að skrá sig á þingið!