Bréf frá Styrkt­arráði

Bréf til brr.

FRIÐUR .·. EINDRÆGNI .·. FRAMFÖR .·.

Áratugum saman hefur Styrkt­arráð Reglunnar notið góðs af jólakortasölu til bræðra Reglunnar, en undan­farin ár hefur smám saman dregið úr sölu kortanna vegna breyt­ingina í samfé­laginu og tölvu­væð­ingar þannig að fólk hefur notað tölvu­pósta og aðra miðla til að koma jóla og nýárskveðjum til vina og ættingja. Þessar breyt­ingar hafa valdið því að sú góða fjáröflun sem skilaði verulegum fjármunum í sjóð Styrkt­arráðs hefur minnkað verulega og nú er svo komið að skoða verður alvarlega að hætta jólakortasölu til bræðra. Af þessum sökum hefur verið leitað að fjáröflun sem kæmi í stað jólakortanna

Á síðasta starfssári var hætt útgáfu Bláu bókar­innar þar sem verulegur kostnaður fylgdi útgáfu hennar. Margir bræður söknuðu bókar­innar og kom fram í máli margra að þeir hefðu verið tilbúnir að greiða fyrir hana sanngjarnt verð. Af þeirri ástæðu hefur verið ákveðið að gefa Bláu bókina út að nýju og selja hana til þeirra bræðra sem áhuga hafa á að eignast hana fyrir sanngjarnt verð og að andvirði sölunnar myndi renna í Styrkt­arsjóð stúknanna utan Reykja­víkur sem hafa sinn eigin Styrkt­arsjóð og hins vegar í Styrkt­arsjóð stúknanna í Reykjavík. Ætlunin er að sala Bláu bókar­innar verði í höndun Bræðra­nefnda stúknanna eins og jólakorta­salan var eða þeirra bræðra sem Stm. hverrar stúku ákveður. Það verður að segjast eins og er að þörfin á að efla Styrkt­arsjóð hefur ekki farið þverrandi því miður, bræður, ekkjur og fjölskyldur sem eiga í erfið­leikum njóta styrkja úr sjóðnum og hlutverk hans og framlög eru öllum þeim bræðrum til sóma sem lagt geta sitt af mörkun til þess að styrkja þá sem eru hjálpar þurfi.

Vert að geta þess að langstærsta tekjulind Styrkt­ar­sjóðs eru framlög bræðra á fundum Reglunnar. Framlög hafa staðið í stað undan­farin ár og varla náð 500,- kr. pr. br. að meðaltali á fundum. Fyrir 25 árum var lengi miðað við andvirði sígarettupakka sem nú er um 1.300,- kr. Það er þess vegna fyllsta ástæða til að hvetja brr. til enn frekari dáða. Það má geta þess að eftir að Styrkt­arráð sendi hvatn­ing­arbréf til stólmeistara fyrir 2 árum síðan hafa framlög hækkað lítillega en aðeins lítillega. Ein stúka hefur þú farið yfir 1.000,- kr. pr. br. að meðaltali á fundi og er það vel og staðfesting á því að hægt er að gera mun betur.

Með bróður­legri kveðju o.m.h.t.R.v.

Sigurður Kr. Sigurðsson ÁMR
Oddviti

Jakob Möller
Ritari

Aðrar fréttir

Góð viðbót við Starfsskrá
Fundur á VIII. stigi
Fundur á meistarastigi
Jólatrésskemmtanir 2017

Innskráning

Hver er mín R.kt.?