Upplýsingar og takmarkanir á starfsemi Reglunnar vegna COVID — 31. ágúst 2021 Sjá nánar.

Aðventu­kvöld Frímúr­ar­a­regl­unnar 17. desember

Frímúr­ar­a­reglan á Íslandi býður bræðrum og fjölskyldum þeirra til aðventu­kvölds fimmtu­daginn 17. desember nk., en um er að ræða rafrænan viðburð. Á þessum óvenju­legum tímum skiptir samvera og samhugur meira máli en nokkru sinni og því er gripið til þess ráðs að í stað þess að safnast saman í Reglu­heim­ilinu til jólafundar, tengjumst við tryggð­ar­böndum með aðstoð tækninnar.

Aðventu­kvöldið gefur bræðrum og þeirra nánustu tækifæri til að halda sambandi og efla tengslin meðan ekki eru tækifæri til hefðbundinna jólafunda og rétt eins og fjölmargar stúkur hafa boðað til rafrænnar samveru á jólahátíð, er öllum bræðrum nú boðið til slíkrar samveru.

Efni aðventu­kvöldsins verður kunnuglegt. Tónlist, ávarp SMR, lestur jólaguð­spjalls, hugvekja og síðast en ekki síst tendrun jólaljóssins sem tengir okkur saman, hvar svo við erum staddir og hvernig sem á stendur. Ljósið færir okkur ekki aðeins birtu og yl, heldur er tendrun þess eilíf áminning um sigur ljóssins yfir myrkrinu.

Við hvetjum bræður til að bjóða sínum nánustu til aðventu­kvöldsins fyrir framan tölvuna fimmtu­dags­kvöldið 17. desember en nánari upplýs­ingar um hvernig hægt verður að tengjast fundinum berast bræðrum í tölvu­pósti fljótlega og á heimasíðu Reglunnar.

Aðrar fréttir

Útför Jóns Sigurðssonar
Fjhst. fundur St. Jóh. Eddu
Aukafundur á ungbræðrastigi
Vetrarstarfið hefst

Innskráning

Hver er mín R.kt.?